الصداقة الحقيقة هل بدات هذه العلاقة تتلاشى فى مجتمعنا

بسم الله الرحمن الرحيم

اعضاء منتدى بنت مصر الكرام

اسعد الله اوقاتكم

ندخل فى الموضوع على طول

لانى شايفو انو مهم جدا

انا بس حبيت اتساءل

ما هو مفهومك عن الصداقة الحميمة والقوية ؟؟!

كثيرا ما اسمع الناس يذكرون خصال اخلالهم الحميدة ويعظمون من شانهم وقدرهم

ودائما ما ياكدون انهم لا يستطيعون العيش بدون هذا الصديق فهم متشابهان لدرجة كبيرة جدا فى كل شئ ولا يفترقان ابدا الا اوقات النوم ودائما يتحدثان على الهاتف او يتقابلان

حينها انظر الى نفسى والى حياتى اجد ان ما يربطنى بهؤلاء الاشخاص ليس ما يسمى بالصداقة الحميمة الحقيقية مع انهم يحبوننى وانا احبهم كثيرا ولا يمكننى ايضا الاستغناء عنهم واظن انهم ايضا كذلك على ما اعتقد
يعنى

بالرغم من عدم تواجدنا دائما سويا

فتاملت حياتى وعلاقتى بصديقاتى لو هى مثل هؤلاء فدايما مع بعض لا نفترق ونتقابل ونتحدث على الهاتف ونذهب الى اى مكان سويا لا نفترق ابدا ابدا

لكن لاحظت ان ده ممكن يولد سأم وملل و يزيد من معدل التشاجر والخناق بيننا

ساعتها استنتجت ان ممكن يكون لكل شخص نظرته فى مفهوم الصداقة

بس انا لسه مش متاكدة

عشان كده عملت الموضوع ده

عشان محتاجة اجابات لاسئلتى

ففى نظركم ما هو معنى الصداقة الحقيقية ؟

كمان عايزة اعرف

هل بدات الصداقة الحقيقة والخل الوفى فى التلاشى من مجتمعنا بعد شيوع الكره والبغض والحقد والانانية وسياسة يلا نفسى ؟؟

انا فعلا محتاجة اعرف

فى انتظار ردودكم وتفاعلكم فهذا موضوع للنقاش احب اعرف رايكم فى القضية المطروحة ووجهات النظر المختلفة

وتقبلوا تحياتى

سارة

ياسلام على المواضيع يا سارة مية مية
اولا مفهوم الصداقة غير طبعا زى مانتى ماقولتى اننا موجودين مع بعض على طول
انا هاقول مثلا عنى انا واصحابى
احنا بنحب بعض جدااا ولما حد فينا بيبقى محتاج اى حاجة بنقف جنبة
يمكن بنتخانق مع بعض بس هما كام ساعة وبنصالح بعض
وبنخاف على شعور بعض
ماحدش فينا بيتمنى حاجة وحشة للتانية يعنى مثلا انا كان عندى مشكلة فى الجامعة
وانا كنت هاسيب الكلية لكن اصحابى الحقيقة واقفوا معايا وراحوا للوكيل وكلموة وهو حل المشكلة
وخافوا على مصلحتى اكتر منهم
مش عارفة غير انى بحبهم بجد وبعتبرهم زى اخواتى بالظبط واحنا نعتبر نسخة من بعض فى كل حاجة ربنا يخليهوملى
وطبعا فى صداقة حقيقة يا سارة
ميرسى على الموضوع
ولية النظرة التشائمية دية يا بنتى لسة فى خير فى الدنيا ماتخفيش

طبعا يا ريرى لسه فيه خير فى الدنيا

وهيفضل الخير

انا بس كنت عايزة اعرف ايه هو مفهوم الصداقة الحق فى نظركم

وفهمت من كلامك ان الصديف الحق هو اللى بيقف جمب صديقه وقت الضيق والمواقف الصعبة

ومش شرط يكونوا قايمين نايمين مع بعض

انا كمان بايدك وبضم صوتى لصوتك

ان الصديق وقت الضيق

مش بعدد الساعات اللى بنقضيها مع بعض

وعلى فكرة انا مش متشاءمة خالص

لسه الدنيا بخير

اشكرك يا ريرى على مروورك الجميل الذى اسعدنى كثيرا

وعلى ردك الجميل

شكرا بجد يا ساره على الموضوع الجميييل اوى وانا عن راى الصداقه اللى بجد لما تكونى لوحدك ومحتاجه لاى حد جمبك يكون صحابك هو اللى واقف جمبك ولما تكونى فى ضيقه يكون جمبك ولما تكون فى فرح بمعنى اصح لما يكون انت وهو متشاكريين فى حياتكم والصديق اللى بجد ده احلى حاجه فى الدنيا

شكرا لييكى

وجهة نظرك ورايك وصلوا يا اش وانا زيك بعتبر ان الصديق هو اللى بيشارك صديقه الافراح والاحزان

اشكرك لمروورك العطر

العفو يا ساره على ايه بس

أنا عرفت معنى الصداقة الحقيقية و الحمد لله

بجد ربنا بيحبنى وقع في سكتى صحاب رجالة بجد و أخلاق عالية جدا و علمونى كتير بجد الحمد لله و وقفوا جنبي كتير بصفة عامة علاقة محترمة جدا جدا

مفما تقوليش بقى مفيش حاجة اسمها صداقة حقيقية .. يا سارة انتى لسة صغيرة و صحابك لسة صغيرين و لسة توجهاتهم و ميولهم و شخصياتهم ما نضجتش بالصورة الكافية لتقييم علاقة صداقة و اعطائها حقها معظم العلاقات في السن دة بتبقى قايمة على المصلحة و الصحبة الحلوة و بس و لكن عشان عارفك كويس و عارف ان انتى بتدى أكتر ما بتاخدى ( مع الناس الغريبة بس مش معايا يعنى ) اؤكدلك ان انتى تصلحى ان انتى تكونى صديقة وفية و ربنا يوقعلك ولاد الحلال في سكتك ان شاء الله

انا رائى مفهوم الصداقه او فى اختيارك للصديق الصح الى هايرحك وتحسى بجد بمعنى الصداقه اولا لازم وضرورى تكونوا بتفهموا بعض ودى اهم حاجه وبتحبوا بعض وكلمه بتحبوا بعض تحمل معانى كبيره لا الحب تحمل معنى الخفوف على مشاعرك وحب الخير وتضايق لو اضايقتى وتساعدك على حل مشاكلك تقف معاكى فى الافراح بس اهم صفه بين الاصدقاء انهم يفهموا بعض فاهمين قصدى........؟؟؟؟؟؟؟؟؟؟؟؟؟