أخطاء تربوية ترتكبها الامهات

في أخطاء معظم الامهات بترتكبها في حق اطفالها.. ممكن تفتكريها بسيطة لكنها فعلا مؤذية.. منها:

- ان ترغميه على الأكل حتى وهو شبعان، ليه؟ طبيعة الانسان (حتى الطفل) انه ياكل لما يجوع فالجوع غريزة اساسية

- ان تقولي له (اذا مكلتش دي هديها لفلان).. او لو مش عايز تلبس الجاكت هلبسه لاخوك.. المفروض تربيه على حب الاخوات وليس الغيره منهم.. ده اهم بكتير من انه يلبس الجاكيت

- انك توافقي على حاجه وترجعي في موقف آخر ترفضي نفس الحاجه اللي وافقتي عليها، او العكس.. ده يخلي الطفل متردد.. كوني حازمة وخلي فيه مبدأ

- انك تضربيه امام اصدقائه .. دي مصيبه ممكن تطلعه معقد نفسيا

- انك تقومي بانتقاد الابن الاكبر أمام اخوته الصغار ... ده بيفقد احترام الصغير للكبير خصوصا لو الصغير مازال طفلا يقلد من حوله.. فقد يقلدك فيما بعد في انتقاد أخوه

- السخرية من طفلك تدفعه للوراء.. وبخيه وعاتبيه ولكن لاتسخري منه خاصه امام الآخرين

- اياكي والتشويح بالايدي مهما اتعصبتي لان هذه الصورة ترسخ بالاذهان وقد تسبب الكراهية

صدقوني الحاجات دي بتطلع فيه قصور في الشخصية وانا مجرباها وشايفه نتايجها قدام عيني في بعض الحاجات.. وياريت لو واحده فيكم تعرف اي اخطاء تانيه تربوية تقولهالنا عسى ان تستفيد منها كل الأمهات