مهزلة اسمها الــ face book

بسم الله الرحمن الرحيم

ندخل فى الموضوع على طول من غير مقدمات

مؤخرا حصل للشباب والبنات هوس بحاجة اسمها الفيس بوك

بجد انا مش مصدقة اللى بيحصل ده

مش مصدقة ان هناك اى حد يعمل لحد اد التانى يعمله كونفيرم

ومش مصدقة ان البنات عادى كده بيحطوا صورهم مهما كانت اوضاعهم فى الصور دى

بجد انا مزهولة

هما مش بيفكروا فى سمعتهم

هما فاكرين ان ده مش خطر

مش عارفين ان ممكن حد ياخد الصور دى ويركبها على وضع فادح ويشهر بالبنت دى

وحصل حصل ان واحد اخد صور بنت وركبها ووزعها على اصحابه و حبايبه

وحصل ان واحد اخد برضه صور صحبته ووزعها على الناس قدام باب مدرستها

انا بس عايزة اوصل رسالة لكل بنت

خافى على سمعتك ماتستهتريش بيها

وفكرى بعقلك اللى ربنا عطاهولك

وميزى بين الصح والغلط

علشان ما ترجعيش وتندمى

وبختم كلامى بقول كنت المفروض ابدا بي قول رسولنا الكريم صلوات الله عليه وسلامه

" من حام حول الحمى اوشك ان يقع فيه "

اقول قولى هذا واستغفر الله لى ولكم

فى انتظار ردودكم وارائكم فى القضية المطرووحة

عضوجديد عدد الرسائل : 3 تاريخ التسجيل : 09/08/2008

يا سارة يحبيبتى الفيس بوك مش كارثة زى ما بتحاولى تحسسينى

انتى مكبرة الموضوع اوى

انا بدخل الفيش بوك عادى وعلى فكرا انا مش بستلطفه اوى

بس انا ليه جروب خاص بيه انا واصحابى ومعظمنا مش بنحط صور

شخصية لينا فى الجروب ومفيش واحدة مننا بتعمل اضافة لحد غريب عننا

وساعات بدخل بلاقيهم كاتبنلى نكت او صور او فيديوهات و شعر حتى عند فيه

لانى بكره الشعر

يعنى عادى النت عموما ليه ايجابياته وسلبياته

والله الموضوع يا احلى سهر لو البنت عاوزه تحافظ على نفسسها كويس

هاتحافظ على صوررها ومش تقبل اى حد على الاكونت بتاعها وزى ما فى بنات كتيرة وحشه فى اكتر متحرميين اوى وربنا يحففطكم كللكم يااااااااارب

وراى بنت مصريه برده صح لان فعلا ف جروبات انتى وصحابك بس مش اكتر

وشكرا لييكى اوىى

اولا بشكركم كتيير لاهتمامكم بالموضوع

ثانيا يا طمطم يا حبيبة قلبى انا برضه مش حديكى فرصة للخناق

بس انا مقصدكيش انتى فعلا والله فيه بنت معانا فى المدرسة اتاخدت صورتها واتركبت على وضع مش كويس

يا جمااعة رسولنا الكريم امرنا باتقاء مواضع الشبهات

يا جمااعة دى البنت سمعة لييه تستهتر بسمعتها

انا مقصدكيش انتى يا طماطم ولا اللى زيك

انا بقصد البنات اللى عاملة لنفسها البوم صور

انا والله دخلت فعلا فى جروبات وبروفايلز وانا مش معموللى اد عندهم وشفت الصور

انا مش بقصد حد معين انا بقصد المبدا من الاساس

كون ان بنت تحط صورة ليها وتكون متداولة على جميع الشاشات والاجهزة ده خطر

انتى بجد بتحسسينى انى مش فاهمة حااجة فى الفيس بوك ده

انا والله معملتش الموضووع ده غير لما فهمت كل حاجة فييه

ااه كنت عايزة اقولك

ان الجروب بتاعك محدش يقدر يدخل عليه

بس فيه جروبات تانية انا مش فيها

ودخلتها وشفت الصور

وربنا يحفظ بنات المؤمنين اجمعين

اولا يا احمد انا بشكرك

لمروورك اللى اسعدنى

ثانيا

مدام البنت عايزة تحافظ على نفسها يبقى من الاول ماتحطش صورتها

رسولنا امرنا بتجنب مواضع الشبهات

وكمان فيه حديث بيقول

من حام حول الحمى اوشك ان يقع فيه

يعنى من الاول خالص وضع الصورة ده غلط

انا بشكرك لمروورك ورايك

وبذكركم الاختلاف فى الراى لا يفسد للود قضية

انا راى ان النت بصفة عامة ذو حدين يعنى فية الكويس والوحش ودة فى كل حاجة فى حياتنا مش النت بس علشان كدة لازم نستخدمة بحكمة
وطبعا انا معترضة تماما على موضوع ان البنت تحط صورها على النت فى اى مكان سواء الفيس بوك او غيرة
وحكاية الفيس بوك نفسة انا الحقيقة ماقدرش اتكلم فية لانى مافهمش فية كويس انا صحيح فية لكن مادخلتش غير مرتين
وطبعا رايكم كلة صح يعنى طماطم بتقول ان ماحدش يعرف يخش الجروب بتاعهم يبقى مافيهوش مشاكل طالما هى واصحابها البنات الى هى بتثق فيهم بس فية
وراى سارة بردة صح وفعلا زى ما اش بيقول البنت لو عايزة تحافظ على نفسها ماتحطش صورها
تقبلو مرورى
رغم انى يمكن مازدش حاجة بس حبيت اشاركم راى

ميرسى يا ريهام لمروورك وانا بجد سعيدة جدا بمشاركتك واهتمامك بانك تشاركى

ميرسى يا قمر

سورى يا راتوتا مكنتش اخدة بالى رديت باسم احمد