عملية الليزك LASIK أو Laser ASsisted Insitu Keratomielusis انتشرت انتشار رهيب و هى عملية المقصود منها استبدال النظارة و ليس تصحيح النظر كما أشيع و بتستخدم في حالات كتير من حالات أخطاء انكسار شعاع الابصار Refractive errors زى طول النظر Myopia اللي عند أغلب الشباب من سن 14 حتى 21 و حالات اللانقطية أو الــ Astigmatism و حالات تانية أشد زى ال Aberration و ببساطة خطوات العملية بتتم على النحو التالي :
* بنج موضعى عادي جدا للمريض ثم رفع الجفون بأداة معدنية عشان العيان مايقفلهاش أثناء العملية. *و بعدين ينضفوا القرنية و يعلموها بحاجة زى الختم *و بعدين يتحط المريض على جهاز الليزر و يشتغل عليه أداة اسمها MicroKeratome تشيل شريحة رفيعة من القرنية قبل أخرها بحيث تفضل متعلقة لما ترفعها زى كبوت العربية ( أى والله قالولنا كدة في المستشفى ) *و بعدين يشتغل الليزر علي الحتة المتعرية من القرنية و يشيل شوية أنسجة و هنا فكرة العملية أنه يقلل التحدب بتاع قرنية العين و يخليها مسطحة شوية بحيث ان انكسار الضوء اللي داخل العين على القرنية يكون قليل من الأول و تتكون صورة على الشبكية بالضبط عكس حالات بعد النظر اللي انكسار الضوء بيكون بصورة أكتر من اللازم و تتكون الصورة قبل ماتحصل الشبكية . * و بعدين بعد الليزر نغطى الشريحة اللي كنا قالبينها و نرجعها مكانها بحيث يتقابل الختمين مع بعض و على فكرة الجرح مش بيتخيط بيتساب لغاية لما يلحم لوحده عشان كدة يقولوا للعيان ما يدعكش في عينه أول تلات أربع أيام عشان ما يبوظشى الدنيا
الأحد يونيو 01, 2014 12:06 am من طرف الوكالة التجارية
