حكاوى رمضانية

موضوع: حكاوى رمضانية السبت أغسطس 23, 2008 4:20 am

السلام عليكم ورحمة الله وبركاته

كل عام وجميع أعضاء بنت مصر بخير إن شاء الله

موضوع جديد ولذيذ قوي في رمضان وكمان نقدر نتعرف بيه علي بعض اكتر
موضوع حكاوي رمضانيه

موضوع الحكاوي عبارة عن موضوع يطرح يومياً في رمضان بواسطة أحد الأعضاء يطرح فيه كل ما هو مفيد وممتع .

فكرة الموضوع

إن كل عضو يحجز يوم

وفي اليوم ده يقدم لنا موضوع بعنوان حكاوي رمضان

ممكن يكتب لنا فيه :

1- آية قرآنية .

2 - حديث شريف .

3- أحكام فقهية خاصة بهذا الشهر .

4- موقف طريف أو محرج حدث لك في رمضان .

5- نوادر رمضانية أو مقالب في رمضان .

6- أكلة تعجبك في رمضان وتقوم بإعدادها لنا .

7- كيف تقضي يومك في رمضان وماهي عاداتك وتقاليدك في هذا الشهر ؟

8- ماذا تتمنى في هذا الشهررر ..؟! أمنية عامة وخاصة .

9- بمن تفكر أول ما تسمع بحلول الشهر الكريم بعد الوالدين الله (حفظ الموجودين ورحم من انتقل إلى جوار ربه ) .

10- كيف تستقبل العيد ..؟ وما هو عرفك وتقاليدك في ذلك ..؟ وأين تقضي أيام العيد ؟

وممكن نزيد وومكن ننقص على حسب موضوعنا

يعني مثلا اليوم اللي حجزتو انا

ممكن أكتب فيه آية قرآنية وشرحها

ممكن كم موضوع عن رمضان

ممكن أوصف لكم يومي في رمضان

ممكن أحط كاركتير رمضاني أو موقف طريف

وممكن أحط أكلة بعملها في رمضان

مش عارفه فهمتوا الفكرة أو لا

طبعاً مع شرط .. اللي بيحجز يوم يلتزم فيه

أو إنه يبلغنا على الأقل قبل 3 أيام أو يبلغ أحد من أعضاء المنتدى ويعطينا خبر إنه مش هيقدر ينزل الموضوع

علشان نقدر نتصرف ونشوف له بديل

الأيام قدامكم

وتقدرون تحجزون أيامكم من دلوقتي
بسم الله نبدأ
_________________

1 - ratOta
2-
3 -
4 -
5 -
6_
7 -
8 -
9-
10-
11-
12-
13-
14-
15-
16-
17-
18-
19-
20-
21-
22-
23-
24-
25-
26-
27-
28-
29-
30-
بالشكل ده فكل واحد يحجز يوم من دلوقتي يا جماعه
في انتظاركم تشاركوني وتقولولى اية رايكم

أجمل تحية للجميع

بما ان التلاتة رقم حظى فانا هختار تلاتة باذن الله تعالى

1 - ratOta
2-
3 - sarah
4 -
5 -
6_
7 -
8 -
9-
10-
11-
12-
13-
14-
15-
16-
17-
18-
19-
20-
21-
22-
23-
24-
25-
26-
27-
28-
29-
30-

منتظرين باقى الاعضاء يا جماعة مش باقى وقت على رمضان

أخترت تانى يوم علشان محدش يكتب حاجة أنا كنت حكتبها و التعجيل بركه

1 - ratOta
bondok525-2-
3 - sarah
4 -
5 -
6_
7 -
8 -
9-
10-
11-
12-
13-
14-
15-
16-
17-
18-
19-
20-
21-
22-
23-
24-
25-
26-
27-
28-
29-
30-

موضوع جميل اوى يا راتوتا وانا عن نفسى هاختار يوم بس يا جماعه لو ان شاء الله يعنى اليوم انا ده مكنتش موجود يبقى ممكن ابدل مع اى عضو بعدى اوك

1 - ratOta
bondok525-2-
3 - sarah
4 -ash
5 -
6_
7 -
8 -
9-
10-
11-
12-
13-
14-
15-
16-
17-
18-
19-
20-
21-
22-
23-
24-
25-
26-
27-
28-
29-
30-

اوك يا اش موافقه يعنى انت لو مجتش اليوم ده ابدل معاك بقى

1 - ratOta
bondok525-2-
3 - sarah
4 -ash
5 -Eng.Rose-Dream
6_
7 -
8 -
9-
10-
11-
12-
13-
14-
15-
16-
17-
18-
19-
20-
21-
22-
23-
24-
25-
26-
27-
28-
29-
30-

بما ان الاعضاء اقل من 30 عضو فانا ان شاء الله هاخد ايام زيادة
يعنى هاكمل بقية الايام ولو حد عايز ياخد ايام زيادة عادى
وشكرااا لكل الى اشتركوا معانا فى الموضوع

1 - ratOta
bondok525-2-
3 - sarah
4 -ash
5 -Eng.Rose-Dream
6_
7 -
8 -
9-
10-
11-
12-
13-
14-
15-ratOta
16-
17-
18-
19-
20-
21-
22-
23-
24-
25-
26-
27-
28-
29-
30-[/b][/color][/quote]

خلاص ماشى يا روز اتفقنا

بصى يا رورو

هو عشان الموضوع يمشى طول شهر رمضان

العضو اللى يتاخر عن وضع موضوعه فى يومه العضو الجاهز ينزل هو

بحيث ان مفيش يوم يعدى الا يكون فى موضوع جديد موجود فمش لازم ندخل نسجل ايام تانى يعنى بدل احنا عددنا صغير

اوكى يا روز انا معاكى
فكرة حلوة وان شاء الله رمضان الجاى نبقى مع بعض
ويبقى فى اعضاء كتير والشهر يكمل

السلام عليكم ورحمة الله وبركاتة
حكاوى رمضانية Alfhod-a3bf9718db

انهاردة هاحكيلكوا اول يوم فى رمضان عادتا بقضية ازاى فى مصر
والسنادى بردة
فى مصر جدتى بتعزمنا عندها اول يوم احنا وكل خلاتى بنروح بدرى علشان نساعدها فى الاكل وفى كل حاجة كل اولاد خلاتو بيبقوا هناك طبعا
الحمد لله احنا عندنا كل الاعمار وانا اعتبر اول حفيدة مش حفيد لان فى قبلى تلات اولاد عادتا الشباب مش بيجو غير على الفطار طبعااا ولاد خالاتو الصغيرين بينزلوا فى الشقة الى تحت او بيعدو فى الاوضة وطبعاا مهمتى انى اسكتهم الحقيقة انا مش بعمل حاجة فى الاكل معاهم علشان خلاتى بيعملوة وانا ممكن اساعد فى البيت بعد مانخلص فطار علشان طبعا بيبقى مقلوب بعد الفطار كلنا بنعد مع بعض نتكلم ونضحك الحقيقة بيبقى يوم حلو جداا ممكن نتفرج على التليفزيون شوية طبعا انا اكتر حاجة بحبها فى اليوم دة ان باكل رقاق من ايد جدتى بحبة جدااا وهى على طول لما بتعملة يتعملى صينية صغيرة ليا المشروب الرسمى بتاعنا البيبسى احنا بنشرب بيبسى بطريقة مش معقولة يمكن احنا مابنشرب ميا
بعد كدة طبعا بنروح على الساعة واحدة اتنين بليل وهو دة اليوم

اما طبعا السنادى علشان احنا مش فى مصر فبابا عزم مهندس بيشتغل معاة ومراتة هى وماما بقوا اصحاب وطبعاا انا صحيت من الساعة تلاتة بليل بساعد ماما وعملنا الاكل وروقنا البيت وطنط رضوا جت العصر كدة ساعدت ماما وانا دخلت نمت قبل الفطار بساعتين وصحيت قبلية بنص ساعة صليت العصر بعد كدة لكنا فطرنا واعدنا شوية بابا وعمو علاء بيتكلموا فى الشغل وماما مع طنط رضوى وانا على النت طبعا واحمد هو وحبيبة على التليفزيون اة نسيت اقولكم على حبيبة
حبيبة دية بقى زى العسل دمها خفيف وعسولة وبتاكل الكلام لما بتتكلم هى لسة فى الحضانة طبعا لما جيت انام كل ماجى انام اى حاجة تحصل فى البيت تيجى تصحينى تقولى ريهام باباكى جة ريهام احمد جة واجاب الحاجت ريهام قومى غيريلى لبسى وماتسبنيش غير لما اصحى صحتنى يجى تلات مرات لحد ماصوت وناديت ماما وقولتلها حرام عليكوا خلاوها تبعد عنى
دة يومى انا عارفة انى طولت عليكم بس حبيتكم تشاركونى
ويارب اكون كتبتة حلو
يالاسلااام
راتوتا

هههههههههه ايه بس اليوميااااااااات الجامده دى يا راتوتا بس فى حاجه بقى انتى مش قلتى ايه الاكل اللى كلتوه وانتى بتقللى ساعدتى مامتك وايه الاكل اللى انتى عملتيه بقى ههههههههه سوال محرج طبعا ههههههههههههههههههههههههههه

كل سنه وانتى طيبه ويارب ان شاء الله السنه الجايه تبقى فى مصر وتالكى الرقاق من ايد جدتك

ياعم عملت بطاطس بالحمة المفرومة
وعملت البيت وهى كملت الاكل
وكلنا يا عم فراخ ومكرونة بشاميل ومحشى وفراخ وبطاطس بالحمة المفرومة
بس كفاية كدة عليهم هما هايطمعوا ههههههههههههههه
يارب يا اش ان شاء الله انا هانزل وهى هاتعملهولى طبعا
هى عارفة انى بحبة

الواحد لسه متصحر وبيقول امتى الفطار يجى جوعتى الواحد يا بت

يلا ما علينا بس يومك كان حلو يا رورو المهم تكونى انبسطتى

بس فى حاجه بقى

انا صحيت من الساعة تلاتة بليل بساعد ماما

ازاى اساسا وانتى كنتى معانا فى الاجتماع اه يا سوسه بتضحكى علينا

هههههههههههههههههههههههههههه

لا يا روز انا مش بكدب والله يا بنتى
هنا صومنا قبليكم بيوم وانا كنت بحكيلكم على اول يوم فى رمضان بقضية ازاى
يعنى احنا عزمناهم يوم الحد واحنا اتكلمنا يوم الحد بليل فهمتى يا ستى

ههههههههههههههههههههه

ماشى يا رورو طلعتى بريئه

لالالا بس مش ينفع خالص انتى كده ظلمتيهيا يا روز لالالالالالا لالالالالالالالا
ههههههههههههههههههههههههههههه

كل سنه وانتم طيبيين

يا شباااااااااااب اجنا داخليين على اليوم التالت وبندق معملش اى حاجه

حد ياخد مكانه طيب

انا متطوعة وهاخد النهاردة وبكرة كمان

تانى وتالت يوم يعنى

وانتظرونى

ساعود بعد قليل

ايه يا جماعه فين المواضيع

وانتى يا ساره روحتى ومجتيش

النهارده ثانى يوم لينا فى رمضان ويا رب يعود علينا باليمن والبركات

وثانى حكايه فى حكاوى رمضانيه بعنوان

1- كيف نفوز برمضان

كل مسلم يحب الله ورسوله يتمنى الفوز برمضان لاننا جميعا نعلم ان خسران هذا الشهر يعنى خسران الكثير فخسرانه

خسران للمغفره والرحمه والعتق من النيران

وخسران لرضا الرحمن وباب الريان

وخسران لرقه القلب وتطهير النفس والكيان

وهذا اصبح من المهم جدا ان نتسأل .. كيف نفوز برمضان ؟؟

ان الفوز برمضان اسرار خمسه .. بها .. نحقق تقديرا غير مسبوق فى هذا الشهر الكريم

اولا : سر المتعه :

وهو ان تشتاق الى العباده وتتلذذ بها وتحزن لفواتها وتحرص على ان تكررها وتعود اليها .. على طريقه ( ارحنا بها يا بلال ) .. فإذا طال على الناس الصيام وتثاقل عليهم القيام .. وملوا العباده .. قمنا نحن بهذا السر ( سر المتعه ) نكسر اى ملل .. ونخفف اى احمال

تمتع بالدموع .. فهى تغسل الذنوب وتحمى العين من النار.. ( عينان لا تمسهما النار ابداا : عين بكت من خشيه الله وعين باتت تحرس فى سبيل الله ) ..ز صحيح

وتستمتع بالصدقه .. ففرحه الفقير ابتسامه على وجهك ومتعه فى قلبك

وتستمتع بتعب الصيام والقيام .. وكيف لا تستمتع بهما وهما طريق النجاه قال صلى الله عليه وسلم ( الصيام والقران يشفعان للعبد يوم القيامه يقول الصيام اى رب منعته الطعام والشهوه فشفعنى فيه قال فيشفعان ) .. رواه احمد

نعم ان للعباده لذه وللقرب من الله مذاق .. لا يستشعره الا من عرف سر المتعه .....

ثانيـــــــــــــــــــــــــــــــــــا:

سر المبادره :

والمبادرة هى الاسراع والتعجيل بالطاعه قبل ان تاتى الفتنه ويفوت الاوان ..

انت تعلم انه شهر واحد فى السنه لا يحتمل ( المماطله ) ولكنه يتطلب المبادره

بهذا السر .. انت سريع فى فعل الطاعات هذا السر يستنهض فيك الهمه والعزم ويقوى لديك الاراده

يا صاحب القلب الحى ::::

بادر .. ولا تنتظر حتى تاتيك الطاعه الى غرفه نومك وتقول لك ( ارجوك افعلنى )!!!

وضع هذه النداءات القرانيه نصب عينيك ( وسارعوا الى مغفره من ربكم وجنه عرضها السموات والارض اعدت للمتقين )

بادروا بالاعمال الصالحه ( سابقوا الى مغفره من ربكم ) بادر .. اذا لم تبادر .. سياتيك رمضان ويغادر .. وانت مسكين خاسر وقد ( خاب وخسر من ادرك رمضان ولم يغفر له )

انت لها .. تقدم .. وامسك بزمامها .. فالدنيا ساعه .. اجعلها طاعه وكن من اولئك ( اولئك يسارعون فى الخيرات وهم لها سابقون )

ثالثـــــــــــــــــــــــــــا :::

سر المحاسبه :::

يقول ابن القيم رحمه الله ( المحاسبه ان يميز العبد بين ما له وما عليه فسيصطحب ما له ويؤدى ما عليه لانه مسافر سفر لا يعود ) قال تعالى :: يا ايها الذين امنوا اتقوا الله ولتنظر نفس ما قدمت لغد واتقوا الله ان الله خبير بما تعملون )

فهذا النشاط الضخم الذى نبدأ به شهر رمضان سرعان ما يذوب ويختفى بعد مرور خمسه او عشره ايام من رمضان ...لماذا ؟؟؟

لاننا عزمنا على فعل طاعات كثيره وكبيره .. ولم نحاسب انفسنا ماذا انجزنا من هذه الطاعات وفيما قصرنا ؟ فمحاسبه النفس كل يوم من ايام رمضان

نصيحـــــــــــــه:::.....

لو انك تعاملت مع كل يوم من ايام رمضان على انه اخر ايام عمرك ستحقق فى هذا الشهر انجازات غير عاديه ... وهذا بتوفيق الله ثم ببركته

تذكــــــــــــــــــــــــــر ::::......

نداء سيدنا عمر بن الخطاب رضى الله عنه ( حاسبوا انفسكم قبل ان تحاسبوا )

رابعـــــــــــــــــــــــا::

سر المقاومه

فمعرفتك بالاسرار السابقه كثيرا فى اتمام الصفقه الايمانيه الرمضانيه ؟... غير ان بعض العقبات والتحديات ستعرض لك فى طريق اتمامك بهذا السر العظيم ( سر المقاومه )

* استعن بالله ولا تعجز

* واعلم ان عدوك اضعف مما تتصور ( ان كيد الشيطان كان ضعيفا

* وانت اقوى بايمانك ... صيامك .. وطاعتك

قاوم .. مبطلات الصوم ومفسداته

قاوم .. مضيعات الوقت ومدمراته

قاوم .. بروح شابه .. وساعد فتى .. وقلب جرئ ..

ولا تخضع للشهوه .. ولا تطع الهوى والنفس واذا وجدت فى نفسك اخفاقا فى المقاومه استعن فورا بسر المبادرة

وليصدر قرارك سريعا واضحا بدون تردد .. رمضان بلا معاصى

خامســــــــــــا :::...

سر المداومه

اه .. يا ترى فى نيتك .. ان تتقرب الى الله فى رمضان وفقط .. ثم تسقط كل ملامح الطاعه مع اول ايام العيد وتعصى وتذنب وكانك كنت محبوسا .. ان كانت هذه نيتك فانت غافل عن هذا السر الخطير ( سر المداومه )

لان هذا السر هو علامه توفيق الله لك فى رمضان

فالمداومه احب الاعمال الى الله قال صلى الله عليه وسلم ( احب الاعمال الى الله ادومها وان قل )

ام انك تعقد العزم ان تستمر فى طريق الطاعه بعد رمضان .. ان كانت هذه نيتك فتقبل تحياتى ... وهذه معينات لك

احرص على صحبه صالحه ولا تفرط فى صلاه الجماعه وسل الله الثبات واحذر اذا اذنبت ان يقنتك الشيطان من رحمه الله ....وعد الى الله مستغفراا

وتذكر المتعه سر السعاده والمباردة سر الانجاز والمحاسبه سر النجاه والمقاومه سر الثبات والمداومه سر القبول

تقبلوا تحياتى فى ثانى يوم لنا فى رمضان

ولا تنسوا ان تدعوا الى اختكم .. روز دريم

واتمنى ان اليوم النهارده يكون عجبكم واستفدتوا منه

سورى يا جماعة بجد امبارح روحت اتسحر و مقدرتش ونمت ومقدرتش اجى احكى لكوا

سورى بجد بجد

وميرسى يا روز انك حاضرة فى الوقت المناسب

انتظرونى بحكاوى تالت يوم رمضان

انا جييت

اولا كل سنة وانتو طيبين وبخير

هل هلال رمضان والنهاردة تالت يوم وانا حاسة ان الايام بتجرى

ندخل فى الموضوع اولا ححكيلكوا عن يومى

النهاردة قومت من النوم متاخر اوى لانى كنت بقالى كام يوم مش بنام كويس

قومت صليت وقريت قران وبعدين دخلت اساعد ماما شوية فعصرتلها الطماطم

وبعدين نزلت اشتريت خروب ( لان رمضان ما ينفعش من غير خروب ) وبعدين رجعت عملت السلطة

الاذان اذن وفطرت

قومت اتفرج على التليفزيون شوية وبعدين صليت واعدت استنيت المستر بتاع الفيزيا عشان كان عندى درس

اعدت مستنياه و الساعة 11 ونص دلوقتى وهو لسه مجاش

يا ترى تفتكروا هييجى

المشكلة ان دى اول حصة وفرقعنى ربنا يستر باقى السنة وما يفرقعنيش

بعد كده لما فقدت الامل انو ييجى جيت اعدت على الماسنجر شوية وبعدين جيت عشان احكيلكوا

ااه نسيت اقولكوا انا نزلت بعد الفطار اشتريت حاجات ورجعت

معلش اصلى التفاصيل تفرق معايا اوى

وبس كده

انتظرونى جايالكم بموضوع مهم جدا وحسااس اوى

السيدات والسادة اعضاء منتديات بنت مصر الكرام

مرحبا بيكم مرة تانية معانا فى الجزء التانى من يومياتنا لتالت ايام رمضان

الموضوع ده مهم جدا وبجد فعلا سبب مشاكل كتيير اوى وهو طبعا متعلق برمضان

ادخل فى الموضوع على طول

اول يوم رمضان نزلت اشترى شوية حاجات وانا ماشية كان فيه واحد بيرحب بواحد

الترحيب ده كان عبارة عن

انو ولع له بتاع ست سبع تمن صواريخ كده فى وقت واحد فطبعا الصواريخ دى فرقعت الواحد ورا التانى كده بسرعة اوى

فطبعا العابدة لله اختكم اتخضت وفضلت واقفة مكانى من الفاجعة ومقدرتش امشى حسيت بجد ان رجلى اتشلت لفترة قصيرة ومش قادرة اتحرك بجد

قبل كده برضه كنت راجعة من المدرسة و انا فى ابتدائى او اعدادى وواحد راح حدف صاروخ جه بين رجليا وفرقع

طبعا كل ده خلانى بجد اكره انى امشى فى الشارع فى رمضان

انا عايزة اعرف

هو ده رمضان فى نظر الناس

رمضان شهر العبادة يتعمل فيه كده

رمضان شهر الرحمة والغفران نعمل فيه كده

اللى بيفرقع صواريخ وبمب ده مش مقدر انو بيزعج الناس بالصاروخ ده

مش مقدر ان الناس اعدة فى بيوتها محتاجة تعبد ربنا فى هدوء

هو مش عارف ان ربنا حيساله عن ماله فيما افناه ووقته فيما قضاه

المشكلة ان غير ان الناس دى بتفضل تفرقع الصواريخ دى فى نصاص الليالى لا دول كمان اثناء اقامة الصلاة يعنى مفيش احترام للصلاة ولا المصلين

انا بجد مش عارفة ايه المتعة فى القرف ده

دى حاجة بتتعب الاعصاب اصلا

وياما الصواريخ ودت ناس فى داهية

يعنى فيه اللى وقع من البلكونة وهو بيحدف صاروخ وفيه اللى ولع فى البيت كله وهو بيولع الصاروخ و فيه اللى فرقع الصاروخ فى وشه وسببه مصايب

وبعدين خلااص المال توفر اوى عشان نشترى بعشرات الجنيهات صواريخ

انا بستغرب الناس بقت بتشترى صواريخ كده على انها بقت حاجة اساسة زى اليميش

انا بدعى ربنا يهدى كل من كان وربنا يجازى اللى بيصنعوا المفرقعات دى

بتمنى يكون يومى النهاردة خفيف عليكو وتكونوا استمتعتوا معايا

والى اللقاء فى يوم تانى

وتقبلوا تحياتى

سارة

اولا احب حى روز على موضوعها بجد ياروز فوق الممتاز ونصايح ومعلومات اكتر من متميزة
تسلم ايدك وشكرااا على مبادرتك وتواجدك الدائم

سارة انتى جيتى على الجرح اصلى ليا ذكريات كتير اوى مع الدناميت او الصواريخ
وان شاء الله هاحكيلكم عليها فى يوم تانى