هل ملابس البنت بتحكم على اخلاقها؟

السلام عليكم ورحمة الله وبركاتة
بسم الله الرحمن الرحيم
طبعا كلنا ياما بنشوف اختلاف فى الازواق والالوان فى اختيار الملابس بتختلف من شخص لاخر .
ياترى ملابس البنت بتحكم على اخلاقها وسلوكها ؟
يعنى انت لو شوفت بنت فى الشارع لابسة ضيق او قصير بتحكم عليها انها مش مؤدبة ومش محترمة ومش متدينة ؟
ولو شوفت بنت لابسة واسع طويل بتحكم عليها انها مؤدبة ومحترمة ومتدينة؟
ياترى اية الى يخلينا نحكم على الشخص من خلالة؟
ومش شرط ان البنت الى احنا بنتكلم عنها انها مش محجبة او لابسها خاليع جدااا لا ممكن يكون مش واسع اوى ولا قصير اوى بس مش اسدال يعنى ولا عباية ؟
ياريت تقولولى رايكم وبصراحة
وانا هاتكلم عن نفسى يعنى انا قبل ماتحجب كنت بلبس جيب قصير ونص كم وربع كم كمان وكنت بلبس ضيق لكن بعد ماتحجبت بقيت البس كويس شوية شوية
يعنى بدل مالجيبة عند الركبة بقيت البس جيبات طويلة شوية وكنت بلبس بيرمودا بعد كدة مابقيتش البس قصير خالص ولا بيرمودا
ورغم ان لبسى فى الاول ماكنش كويس لكن انا متدينة والحمد لله ومش بعمل حاجة غلط
وفى بنات كتير بتلبس لبس محترم جدااا رغم كدة هما مش محترمين خالص ولا يعرفوا حاجة عن الاحترام وانا قابلت النوعية دية كتير
انت لو شوفت بنت فى الشارع هاتحكم عليها باية؟
ياريت اعرف رايكم وبصراحة
ومشاركتكم

راتوتا[/color]

بسم الله الرحمن الرحيم
ملابس اى بنت بدل على البيئه الى هى منها وعلى اخلاقها بس اخلاقها هى التى تتحكم فى ارتدائها لملابسها والعكس غير صحيح بالمره ومع ذلك فان ليس للمظهر لدى البت والولد اى قيمه فالمظهر خداع
ولكن المهم هو التدين والالتزام بالعقائد الدينيه

لا طبعا اللبس مش كل حاجة وبعدين انا قولتهالك فى المنتدى التانى كل واحد حر فى طريقة لبسة يعنى انا مثلا ممكن مكنش ملتزمة بالبس اللى انتو بتسموة لبس محترم بس الحمد للة انا محترمة وانا واثقة فى ان كل اللى حوليا بحترمونى لانى مبعملش حاجة غلط
اللبس مش كل حاجة

انا مش قصدى عليكى انتى فاهمتينى خطا كل الى انا قولته رايئى وبصراحه ده مش بيقول ان انا قصدى عليكى انا بقول فى العام لو لقيتى واحده او اتنين من وسط عشره كويسين

انا عارفة انك مش بتكلمى علية يا soso انا بردة بتكلم فى العام يا قمر واسفة رديت متاخر اووى

عادى كلنا لها
المهم اننا صحاب فى المنتدى وفيش زعل بين حد عشان على طول متفهم خطا
ميرسى على ردك

بصى يا ريهام هو فى ناس كتير بتحكم عالبنت من لبسها بس مش ديما بيكون حكمهم صح بس لازم بردو البنت تحترم العادات والتقاليد بتاعة المكان اللى بتعيش انا عن نفسى ساعات بحكم عالبنت من لبسها بس مش ديما فى بنات بيبان عليها الاحترام مهما كانت لابسة بتبقى من تصرفاتها وكدة بيبان عليها يعنى

شكرا لكى

وفعلا البنت او الشخص مش بيبان او بتبان من اللبس لكن البيئة هى الى بتحكم زى ما قالت قمر البلد دى

بس بعض الناس بتحكم على البنت من لبسها