باستا ايطاليا

المقااادير
500 جرام باستا (معكرونه ) أي نوع
500 جرام لحم مفروم
5 حبات طماط
5 حبات مشروم أو أكثر حسب الرغبة
ملعقة اكل Organo
(نوع من الزعتر عاد مو تحطون زعتر بداله)
فص ثوم - و 3 بصلات متوسطة
ملعقة جاي فلفل اسود
5 ملاعق اكل صلصة المعكرونه
و هي صلصة طمام تقريبا(العلالي او اي نوع ثاني)
200 جرام جبن موزيريلا
4 الى 6 ملاعق جبن قلاصات (Cream cheese )
علبتين كريمة حامضة
كوب حليب طازج
ملح حسب الرغبة
نص كوب زيت زيتون
اوراق بقدونس طازج للديكور

الطريقة

نغلي المعكرونه حتى تلين مع الملح
نقطع البصل و نقليه لين يلين مع ملعقة اكل زيت زيتون
نضيف اللحم و نطبخة ربع ساعة
نقطع الطماط و نضيفه مده ربع ساعة الى 20 دقيقة
لين ينشف ماي الطماط مع مراعاة التحريك المستمر
نقطع الثوم و نضيف له الكريمه الحامضة في زبدية وحدهم
و نضيف له ربع ملعقة من الاورغانو و ملح و فلفل اسود
و نخلطهم زين بعدين انضيف لهم الحليب
و جبن الكاسات و نتركهم على صوب
نرفع المعكرونه من النار و نشخلها
و نضيف لها صلصة المعكرونه
ناخذ خلطة اللحم و نضيف له باقي الاورغانو
و ملح و فلفل اسود و نخلطه مع المعكرونه على نار هادئه
نقطع المشروم و نضيفة للخليط لين يلين شوي و نرفعه من على النار
نصب خليط المعكرونه في صحن التقديم
نبشر جبن موزيريلا فوقه
نصب خلطة الكريمة الحامضة عليهم و نحطه
في المايكررويف خمس دقايق عشان يذوب الجبن ويقدم..

[url=http://www.al-shooq.com/up1/uploads/ad50c68184.gif][/url]